َجودة الحياة ولا اطالة العمر
Sep 18, 2024
جودة الحياة مقابل عمر اطول؟ معركة قديمة، مش كدة؟
لمن افكر في الموضوع، واشوف ناس تتضارب عشان واحد منهم، كأنها مسابقة ومين يجيب مشاهدات اكثر استغرب حبتين
اللعبة بكل بساطة انك تلقى التوازن اللي يناسبك
يعني مثلا هل تفضل اجازة او رحلة تحس بسعادة من يوم تصحى الين ما يجي وقت نومك
ولا اجازة تصور فيها كل دقيقة عشان تفرج متابعينك الخمسة؟ ما تدري تبسطهم ولا تستعرض على ناس ما تدري عنك؟
فكر في قيمك وأهدافك.. كيف تبغى حياتك تكون وكيف تبغى تفتكرها؟
العالم يستمر في الحركة بينا او بدوننا وبسرعة كل مالها بتزيد وتخرج عن السيطرة
لعب الرياضة والاهتمام بالصحة مسالة شخصية بحتة وما يبغالها كلام... اي انسان جالس يصور نفسه وهو يلعب او يتمرن او يجهز اكله الصحي هذا انسان جالس يشجع نفسه على حسابكم
من المهم اني اهتم بصحتي رغم سهولة هضم الموضوع وصعوبة تطبيقه لكن السؤال اللي يطرح نفسه عشان ايش؟
من المهم اني احسن جودة حياتي للافضل لي ولاسرتي.. والسؤال هنا لمين لو ما راح اقدر استمتع فيها معاهم؟
ما نقدر نقول انها مقسومة بينهم خمسين خمسين وكلهم مهمين، لكن نقدر نقول انها مسالة تحتاج دراية وفهم وتوازن بينهم
احيانا نركز في جودة الحياة واحيانا نراجع صحتنا ونعدل طريقة او اسلوب حياتنا لانها غالبا راح تتغير مع ظروفنا، ان تحسنت جودة حياتنا قد تتحسن وقد تتدمر.. والعكس غير صحيح راح تتدمر لاننا نصبح في حالة "مشي حالك باللي عندي" لمن تتدهور جودة الحياة
واخيرا وليس اخرا طبعا لا بد من الاهتمام بالجوهر اللي هو الصحة النفسية والعقلية الرنة ومعهم التكييف السريع مع المتغيرات
صباح الخير من جدة في 18 سبتمبر من عام 2024
اشترك في القائمة البريدية
We hate SPAM. We will never sell your information, for any reason.
