وحشني الطفش
Jan 07, 2025
زمان مو مرة زمان كنا نوصل لمرحلة الطفش ونشتكي منه
اليوم ما يقول طفشان الا الانسان اللي مخه واقف تماما او بيتدلع وعامل شوية دراما
كمية مسليات وملهيات وتشتت نعيشه ما عمره كان موجود
اسال نفسك... متى اخر مرة فعلا كنت فيها طفشان؟
طالما في يدك هاتف ذكي لا يمكن تكون طفشان... حتى لو اختفوا كل اصحابك في العالم الواقعي
الخوارزميات ما راح تتركك ثانية طفشان... تاخذك من حفرة لحفر اكبر واكثر ويا قلب لا تحزن
لو حبيت اضرب مثال لتطبيق طبعا راح اذكر تكتوك ويوتيوب او انستغرام
بدون مبالغة تقدر تدخل على تكتوك الساعة ستة الصباح وما تصحى الا صارت الساعة تسعة..كيف ما تدري؟
وقس على ذلك... حلوة دي صح؟
عموما وحشني الطفش والوقت اللي كنا ننتهي من التلفزيون، الخرجة والاغاني القليل اللي عندنا في المسجل ونجلس نطالع في وجيه بعض نحاول نشوف مين يغمز او يضحك اول
سلام
اشترك في القائمة البريدية
We hate SPAM. We will never sell your information, for any reason.
